அங்கும் இங்கும் எங்கும்…

நட்பு துளித்து தளிர்த்தது, இவர் இருந்த கட்சிக்கே அவரும் வந்தார், பட்டை, ருத்ராட்சம் எல்லாம் மறைந்தது,

பின் புரட்சி நடிகர் என அடைமொழியோடு அழைக்கபட்டார்.

அவரை முன்னிறுத்தி கட்சி வளர்த்தார்கள், ஆட்சியும் பிடித்தார்கள். நிச்சயம் அந்த நடிகர்தான் வெற்றிக்கு முக்கியம்,ஆனால் நடிகரை இயக்கியவர் நிச்சயம் அவர்.

விதி விளையாடிற்று, புரட்சி நடிகர், புரட்சி தலைவரானார், தனி கட்சி கண்டார், போதா குறைக்கு புரட்சி தலைவியும் உருவாக்கிவிட்டு மறைந்தார்

அந்த புரட்சி தலைவியும் இப்போது இல்லை

மன்னார்குடியிலிருந்து வந்தவர்கள் இப்போது கோட்டையினை பிடிக்க போராடிகொண்டிருக்கின்றார்களாம்

அந்த கலைஞரின் மனம் எப்படி சிந்தித்துகொண்டிருக்கும்?

அவர் மனதில் எவ்வளவு சம்பவம் ஓடிகொண்டிருக்கும், நிறைய இருக்கலாம்

நம் மனதில் ஓடுவது இப்படி

சேலம் மார்டன் தியேட்டர்சில் அவரை சந்தித்ததும், அவரை அண்ணாவிடம் கொண்டு சேர்த்ததும் முதல் தவறு

எம்.ஆர் ராதா சுட தெரியாமல் சுட்டது அடுத்த தவறு

மைசூரில் இருந்து சந்தியா நடிக்க வந்தது இன்னொரு விதி

எல்லாம் சேர்ந்து ஆட்டிகொண்டிருக்கின்றது.