கலைஞரின் அறிக்கை இல்லா முதல் புத்தாண்டு தொடங்கிவிட்டது

திமுக ஏன் அமைதியாகிவிட்டது என பல குரல்கள், இதில் என்ன ஆச்சரியம் வேண்டி இருக்கின்றது?

திமுக எனும் கட்சிக்கு போர்குணம் கொடுத்ததே கலைஞர், சாதரண இயக்கமான அது கலைஞரின் எழுத்து,பேச்சு, போராட்டம் என்பதாலே உச்சம் தொட்டது

கல்லகுடி போராட்டம் முதல் எத்தனையோ போராட்டங்களை வெறும் எதிர்ப்பாக காட்டவேண்டிய இடங்களில் அதனை பெரும் நெருப்பாக அவர்தான் மாற்றினார்

அவரின் வாதம் நிறைந்த எழுத்தும், அர்த்தம் நிறைந்த பேச்சுக்களும் அதனை சாதித்தன‌

அவர் எழும்பினார், திமுக எழும்பியது

இதோ அவர் அமைதியாகின்றார், திமுக அமைதி ஆகின்றது

எத்தனையோ தலைவர்களையும், எத்தனையோ வித்தகர்களையும் அவர் உருவாக்கினார்

ஆனால் அவர் சாயலில் ஒருவரையும் அவர் உருவாக்கவில்லை என்பதுதான் இன்றைய அமைதிக்கு காரணம்

அவரின் போராட்ட குணத்தில் 100ல் ஒன்று இப்போதுள்ள திமுகவினரிடம் இருந்தால் கூட இன்று நிலை மாறி இருக்கும்

கால கொடுமை

இதுவே பழைய கலைஞர் களத்தில் இருந்தால் அடிக்கிற அடியில் தேர்தல் தேதி எப்பொழுதோ அறிவிக்கபட்டிருக்கும்

காலம் மகா விசித்திரமானது

நேருவையும், இந்திராவையும், காமராஜரையும், பக்தவக்சலத்தையுமே ஓட அடித்த திமுக இன்று சக இயக்கத்து பன்னீர்செல்வத்திடமும், சசிகலாவிடமும் முகம் கொடுக்க முடியாமல் திணறுகின்றது.