காலா டீசர் வந்தாயிற்று

படத்து டீசர் பத்தவை.. என வார்த்தையோடு முடிகின்றது, மயிலு செத்திருக்கும் நேரம் பார்த்து “பத்தவை பத்தவை” என்பது “பத்த வச்சிட்டியே பரட்ட” எனும் காட்சியினை நினைவுபடுத்துவது இன்னொரு விஷயம்

மயிலு செத்திருக்கும் நேரமா இப்படி பத்த வைப்பார்கள்?

சில இந்திவார்த்தைகளும் வருகின்றன. ரஜினியினை எதிர்த்து ஊர்வலம் போக அவரின் தலைமுடி வண்ணம் சிக்காதா என எதிர்ப்பார்த்து கொண்டிருப்பவர்கள், இனி ஹிந்தி வளர்க்கும் ரஜினி ஒழிக என கிளம்பலாம், வாய்ப்பு வந்தாயிற்று

ரஜினிக்கு முதலில் தமிழே ஒழுங்காக வராது, இதில் நெல்லை தமிழ் வேறாம், பொதிகை தமிழ் மணக்கும் நெல்லை தமிழுக்கு இப்படி ஒரு சத்திய சோதனை.

“வெங்கமவன் ஒத்தையில நிக்கேன்” என்றவுடன் நமக்கு தூக்கிபோடுகின்றது, அய்யய்யோ ரஜினி வெங்கமகனா என அலறுகின்றது மனம்,

பல இயக்குநருக்கு தங்கமகனாக இருந்த ரஜினி இப்பொழுது வெங்கமகனாக மாறிவிட்டாரா?

வெங்கய்யன் மகன் என வசனகர்த்தா எழுதியிருக்கலாம்

ஆனால் ரஜினி தன் ஸ்டைலில் வெங்கமக‌ன் என சொல்லிவிட்டு செல்கின்றார், பரிதாபம்.

வெங்க என்பதற்கு நெல்லை தமிழில் அர்த்தம் என்ன என்பதைவிட தென்னக ஸ்டைலில் என்ன அர்த்தம் என்பதை சுப்பிரமணியபுரம் சசிகுமார் “அவன் ஒரு வெங்க பயடா” என அழகாக சொல்லியிருப்பார்

இருந்தாலும் நெல்லை தமிழ் புரியாத ரஜினியினை இப்படி இழுத்துவிட்டிருக்க கூடாது

இன்னும் என்னென்ன காமெடிகள் எல்லாம் இருக்குமோ தெரியவில்லை

ஒன்றுமட்டும் புரிகின்றது

ரஜினி பேசபோகும் நெல்லை தமிழும், வெங்கமவன் போன்ற ரஜினியின் பிரத்யோக நெல்லை பேச்சும் படம் முழுக்க பெரும் சிரிப்பினை கொடுக்கலாம்