காலை மலர்கள் …

 பிக்பாஸ் நிகழ்ச்சி சமூக சீர்கேடானது, இதனால் தமிழக அமைதி கெடும் இந்த நிகழ்ச்சியினை தடை செய்து கமலஹாசனையும் கைது செய்யவேண்டும் : இந்து மக்கள் கட்சி கமிஷனர் அலுவலகத்தில் புகார்

“கமிஷணரய்யா நல்லாயிருப்பிய, 

கமலஹாசனால பிரச்சினை இல்ல அவர விட்டுட்டு பிக் பாஸ் வீட்டில் இருக்கும் எல்லோரையும் பிடிச்சிட்டு போங்க‌

பன்னீர்செல்வம் ஒரு கிணற்றினை பொதுமக்களுக்கு பாதிப்பு ஏற்படுத்தும் விதமாக வைத்திருக்கின்றாராம் பெரும் பிரச்சினை வெடிக்கின்றது

எத்தனைஆயிரம் கோடி இந்த பன்னீர்செல்வம் சம்பாதித்தாகிவிட்டது, அந்த கிணற்றினை அம்மக்களுக்கு கொடுத்தால்தான் என்ன?

சொந்த ஊர் மக்களின் தாகத்திற்கு தன் சொந்த கிணற்று தண்ணீரை கொடுக்க சம்மதிக்காத இவர்தான் தமிழகத்தின் பொதுவாழ்க்கைக்கு வந்து பொது பிரச்சினைகளை தீர்ப்பாராம்

பத்மினி உயிரோடு இருந்திருந்தால் பவர் ஸ்டாரின் பரதநாட்டியத்தை கண்டபின் கடன் வாங்கியாவது விஷம் வாங்கி குடித்து செத்திருப்பார்

அப்படி இந்த மனுஷ்ய புத்திரன், ஜெயமோகனின் பக்த கோடிகளின் கவிதை எல்லாம் கண்டு மனம் நொந்தாரோ என்னமோ நா.முத்துகுமார் குடித்தே செத்துவிட்டார்

இந்த இம்சை கவிஞர்களின் கவிதையால் இன்னும் பலர் சாக வாய்பிருக்கின்றது

”ஜெயலலிதா சபதத்தை நிறைவேற்றும் வகையில், கச்சத்தீவை மீட்டே தீருவோம்,” : அமைச்சர் ஜெயகுமார் தெரிவித்தார்

மிஸ்டர் ஜெயகுமார் முதலில் நீங்கள் போயஸ் கார்டனை மீட்க முடியுமா?

அதனை முதலில் மீட்டு காட்டுங்கள், கச்சதீவினை பின்னர் பார்க்கலாம்

ஜி.எஸ்.டி. வரி குறித்து தவறான கருத்துக்களை யாரும் பரப்பக்கூடாது: தமிழிசை சவுந்திரராஜன்

உண்மையான கருத்தை அவர்களும் சொல்லமாட்டார்கள், பொய்யான கருத்தை வேறு யாரும் சொல்லவும் கூடாது

இருவருமே கம்மென்று இருக்க வேண்டும் என்கின்றார் அம்மணி