குஷ்பூ சங்கத்திற்கு ஒரு “தியாக தலைவர்” கிடைத்துவிட்டார்

தலைவி குஷ்பூ யார் வாழ்வினையும் கெடுப்பவர் அல்ல, பாழக்குவர் அல்ல. இது நண்பருக்கு புரியவில்லை

அவரை உடனடியாக கண்டுபிடித்து சில விஷயங்களை சொல்லவேண்டியுள்ளது

அதாகபட்டது தலைவி ஒரு நிலா. அவரை ரசிக்கலாம் கொண்டாடலாமே தவிர ராக்கேட் ஏறி சென்றெல்லாம் பிடிக்க முடியாது.

தேவதைகள் யாருக்கும் சொந்தமாகா.

அவர் அவதார தேவதை, நாமெல்லாம் அற்ப மானிட பதர்கள், வழிபட மட்டுமே நமக்கு உரிமையுண்டே தவிர, சரிக்கு சரி அமர ஒரு காலமும் முடியாது.

இதனை எல்லாம் சொல்லி அவர் மனதை தேற்றி, முடிந்தால் தலைவி தலமையில் திருமணமும் செய்து வைக்க வேண்டும்.

பிறக்கும் பெண் குழந்தைக்கு குஷ்பூ என பெயரிடவும் வேண்டும்

அன்னார் பற்றிய செய்தி கிடைத்ததே தவிர, யார் என தெரியவில்லை. அதற்கென்ன இஸ்ரேலிய மொசாத்தின் காலில் விழுந்தாவது அவரை கண்டுபிடிக்கவேண்டும்

ஆனாலும் அவரின் தியாகத்தை நினைத்தால் கண்ணீர் வருகின்றது

உடனே கண்டுபிடித்து அவரை சங்கத்தில் இணைத்து இனி “தியாக தலைவர்” ஆக்கிவிட வேண்டியதுதான்.

எங்கள் சங்கத்திற்கும் ஒரு “தியாக தலைவர்” கிடைத்துவிட்டார். இந்த “உடன்பிறவா சகோதரிக்கு” கோட்டான கோடி நன்றி