சாவேஸ் அங்கு வராத வந்த மாமணி

சாவேஸ் என்பவர் காட்டிய ஆட்டத்திற்கு பின் அப்படி இனி ஒருவன் வரவே கூடாது என திட்டமிட்டு அந்நாட்டை கலய்த்து போடுகின்றது அமெரிக்கா

அது ஒரு சவுதி மன்னர், குவைத் மன்னர், பக்ரைன் மன்னர் போல் வெனிசுலாவிலும் ஒருவர் கிடைத்திருந்தால் அமெரிக்காவிற்கு சிரமம் இருக்காது

ஆனால் சதாம், கடாபி வழியில் அங்கு சாவேஸ் என்றொருவன் இருந்ததும், மக்கள் அவன் பின்னால் அணிவகுத்ததுமே அமெரிக்க கோபத்திற்கு காரணம்

சாவேஸ் அங்கு வராத வந்த மாமணி, அந்நாட்டிற்கு மட்டுமல்ல தென்னமெரிக்காவிற்கே ஏதாவது செய்யமுடியுமா என சிந்தித்த மாமனிதன்

சாவேஸ் அக்காலத்தில் இருந்த பொலிவியரன் குழுவில் ஒருவர்

பொலிவியரன் குழு என்பது சிதறி கிடக்கும் தென் அமெரிக்க நாடுகளை ஒன்றாக இணைத்து, ஐக்கிய அமெரிக்க நாடுபோல் உருவாக்கி வளர்க்கவேண்டும் என்ற சிந்தனை கொண்டது

ஆனால் அப்படி ஒன்று உருவாகிவிடாமல் அமெரிக்கா செய்த சதி ஏராளம், அந்த புரட்சிகர குழுவின் கடைசி மனிதர்தான் சாவேஸ்

அவர் ஆட்சியில் இருந்தது வெறும் 10 வருடங்களே (1999 2013), அதற்குள் அமெரிக்காவிற்கு அணலடிக்கும் வேலைகளை செய்தார்

உலகம் முழுக்க எண்ணெய் ஏற்றுமதி செய்யும் நாடுகளை இணைத்தார், அத்தொழிலில் அந்நாடுகள் நல்ல வருமானம் பெறவும் இன்னும் பல வியூகங்களை சொன்னார்

குறிப்பாக அமெரிக்காவின் எண்ணெய் வியாபாரத்தை உடைத்துபோட கடும் முயற்சிகள் செய்தார், ஓரளவு வெற்றியும் பெற்றார்

வெனிசுலா எண்ணெய் வியாபாரத்தை சீராக்கி அந்நாட்டை வளப்படுத்தினார், வெனிசுலா வளர்ந்துகொண்டிருந்தது

அந்நிலையில்தான் புற்றுநோய்க்கு ஆளாகி இறந்தார் சாவேஸ், அத்தோடு வெனிசுலாவிற்கு சனி பிடித்தது

இந்த அமெரிக்காவிற்கும் , கலைஞருக்கும் ஒரே ராசி. அவர்களை எதிர்த்தவர்கள் கொஞ்சநாளில் எப்படியாவது மறைந்து போவார்கள்

விதி என்றும் கொள்ளலாம், இயற்கையாக நடப்பது என்றும் சொல்லலாம்

கலைஞர் வாழ்வில் அது நடந்தது, எதிர்த்தவர்கள் எல்லாம் மறைந்துகொண்டே இருந்தனர், ஓரளவு தாக்கு பிடித்த்தது சோ ராமசாமியும், ஜெயாவும்

ராமசந்திரன் 15 ஆண்டுகள் தாக்குபிடித்தார் அத்தோடு அவரும் காலி

கலைஞருக்கு அமைந்த வரம் அது, அமெரிக்காவும் கிட்டதட்ட அப்படியே என்பது சாவேஸ் விவகாரத்தில் தெரிந்தது

சாவேஸ் சென்றபின் அத்தேசத்தை கவனிக்க யாருமில்லை, அடுத்த வலுவான தலைவர் உருவாகாமல் அமெரிக்கா பார்த்துகொண்டது

நாடு சீரழிந்தது, இன்று என்னவெல்லாமோ நடக்கின்றது

பணவீக்கம் உயர்ந்து மக்கள் அகதிகளாக ஓடுகின்றனர், வாழ வழி இல்லா நிலையில் தேசம் தத்தளிக்கின்றது

ஒரு கப் காபி நமது ஊர் விலையில் 3000 ரூபாய் என்ற அளவு பணவீக்கம் எகிறிவிட்டது

சந்தடி சாக்கில் கொலம்பியாவினை வளைத்த அமெரிக்கா, அதன் எல்லையில் வெனிசுலாவுடன் யுத்தம் புரிய திட்டம் வகுத்து கொடுக்கின்றது

யுத்தம் வெடிக்கும் பட்சத்தில் அதள பாதாளத்தில் கிடக்கும் வெனிசுலா புதைந்தே போகலாம்

ஈராக், சிரியா, லிபியாவினை தொடர்ந்து எண்ணெய்க்காக ஒரு தேசம் கதற தொடங்கியிருக்கின்றது

பெரும் மானிட அவலத்தை கண்டும் காணாமல் உலகம் அமைதி காக்கின்றது

வெனிசுலா மக்கள் சாவேஸை நினைத்து அழுதுகொண்டிருக்கின்றனர், இன்னொரு சாவேஸ் வராமல் அவர்களை காக்க முடியாது