ஜெயா சிகிச்சை பெற்ற வீடியோ வெளியீடு

ஒரு மண்ணாங்கட்டியும் புரியவில்லை

ஆக ஜெயாவின் அப்பல்லோ வீடியோ ஆர்.கே நகர் தேர்தலுக்கு முன்பாக வந்திருக்கின்றது, இனி அடுத்த அடுத்த தேர்தல் வரும் பொழுது இன்னும் பல வீடியோக்கள் வரலாம்

அது வரட்டும்

ஆனால் இந்த வீடியோவின் உண்மைதன்மை எப்படி என தெரியவில்லை. ஜெயலலிதாவிற்கு இரட்டை சடை எல்லாம் பள்ளி மாணவி போல் போட்டிருக்கின்றார்கள். அதுவும் கருப்பாக இருக்கின்றது

மருத்துவமனையில் கொண்டை அல்லது திருப்பதி கோலத்தில்தான் அமர்த்துவார்கள் இது என்ன இரட்டை சடை?

ஏதும் கேட்டால் “தலைவாரி பூச்சூடி அக்காவை, அப்பல்ல்லோ அனுப்பினார் சசிகலா” என பாடுவார்கள்

இட்லி சாப்பிட்ட வீடியோ விரைவில் வரும், அதில் சசிகலா அரைத்த சட்னி இருக்குமா என பார்த்துவிடலாம்.

சசிகலாதான் அந்த வீடியோவினை எடுத்தாராம், பின் ஏன் ஜெயா எங்கேயோ முகத்தை திருப்பி வைத்திருக்கின்றார்? சசிகலா மீது அவ்வளவு கோபமோ?

இந்த வீடியோவில் அவர்கள் சொல்லவரும் அம்சம் ஜெயாவிற்கு கால் இருக்கின்றது அதுவும் விரலோடு

வீடியோவில் எதனையோ முறைத்து பார்த்தபடி ஜெயா ஜூஸ் குடிக்கின்றார், அநேகமாக அவர் முறைத்து பார்ப்பது கலைஞர் படமாக இருக்கலாம்

ஆனால் ஒரு விஷயம் உறுத்துகின்றது, நீதிபதி ஆறுமுகசாமி விசாரித்துகொண்டிருக்கும் பொழுது இந்த அதிமுக்கிய தகவலை அவரிடம் கொடுக்காமல் ஏன் இப்படி வெளியிடுகின்றார்கள்

இது நீதிமன்ற அவமதிப்பு.

நீதிமன்ற அவமதிப்புத்தான் உண்டா? நீதிபதி அவமதிப்பு பிரிவெல்லாம் இங்கு இல்லையா?

நிச்சயம் உண்டு, யாரையோ குறிவைத்து வீடியோ வந்திருக்கின்றது, சம்பந்தபட்ட நபர்கள் வகையாக சிக்க போவது உறுதி