திமுக பொதுக்குழு கூடியது

அதாவது ஸ்டாலின் திமுக தலைவராகும் பொழுது கலைஞர் இருக்க மாட்டார், அதுவரை இம்மாதிரியான விளையாட்டுகள் நடக்கும்

“செயல் தலைவர்” என வேண்டுமானால் ஸ்டாலினை அறிவிப்பார்கள்

ஸ்டாலினை “செயல் தலைவர்” என அறிவித்து விட்ட மறுநொடி என்னாகும்? அழகிரி ஆட்டம் காட்டுவார்

ஸ்டாலின் செயல் தலைவர் என்றால், நான் செயல்படாத தலைவனா? என்ன கொடுமை இது என அவர் பொங்கலாம்.

கலைஞர் என்ன சொல்வார்?

“செயல் படாத தலைவர்” என அன்பழகனை அறிவித்துவிடலாம். உன்னை “புயல் தலைவர்” என அறிவித்துவிடட்டுமா?

இனி

ஸ்டாலின் “செயல்” தலைவர்
அழகிரி “புயல்” தலைவர்
கனிமொழி “பெயில்” தலைவர்
மாறன் கோஷ்டி “முயல்” தலைவர்

யாரும் முன்னாள் குஷ்பூ போல இணைந்தால் அவர் “மயில்” தலைவர்

நாகூர் ஹனிபா இருந்திருந்தால் அவர் “குயில்” தலைவர்

பல தலைவர்கள் திமுகவில் மட்டுமே சாத்தியம்.

இப்படி பல தலைவர்கள் அங்கிருக்க, மற்றவர்கள் எல்லாம் யார்?

அவர்கள் பாணியில் சொல்வதென்றால்,

“கட்சியில் எல்லோருமே தொண்டர்கள், எல்லோருமே தலைவர்கள் என்றார் நம் அண்ணா

அப்படியே தொண்டர்களாகிய நீங்கள் வெயிலில் அலைந்து கஷ்டபட்டு கட்சி வளர்ப்பதால் இனி வெயில் தலைவர்கள்”

தொண்டர்கள் எல்லாம் “வெயில்” தலைவர்கள்.

கலைஞர் அப்பொழுது ஏதோ விவகாரம் தொடர்பாக “அய்யா ஆணயிடுகின்றார், அண்ணா ஊளையிடுகின்றார்” என சொல்லி சில சர்சைகள் வந்த காலம்

அதெல்லாம் கடந்துதான் கலைஞர் பின்பு திமுகவில் சங்கமித்தார்

அதன் பின் ஒரு பொதுகுழு கூட்டத்தில் சம்பத் தாக்கபட்டார், அதோடு விரட்டபட்டார்.

அண்ணா மறைந்தபின் ஒரு பொதுகுழு கலைஞரை தலைவராக்கியது

பின் ஒரு பொதுகுழு ராமசந்திரனை, வைகோவினை விரட்டியது

இன்று அதே பொதுகுழு இன்று ஸ்டாலினை செயல் தலைவர் என ஏற்றுகொண்டது, அதுவும் செயல் தலைவர் என்று மட்டும்தான்

ஆக பொதுகுழு என்பது யார் காலின் கீழ் புழு என்பது இப்பொழுது புரிந்திருக்கும்.

ஜெயலலிதாவிற்கு சக தொழிலாளி அல்லது சக முதலாளியாக அஞ்சலி செலுத்தினார்கள் சரி

பிடல் காஸ்ட்ரோவிற்கு எதற்கு அஞ்சலி?

அவர் கொள்கைகளுக்கும் இவர்களுக்கும் என்ன சம்பந்தம்?