நிர்மலா சீதாராமன் : ஒரு தமிழச்சி பெரும் உயரம் தொட்டிருகின்றார்

பெண் உரிமை என்பார்கள், பெண் முன்னேற்றம் விடுதலை என சொல்லிகொண்டே இருப்பார்கள்

பெரியார் அதை சொன்னார், அம்பேத்கார் இதை சொன்னார் பெண் முன்னேற்றம் என்றால் இக்காலம்தான், எல்லா துறையிலும் பெண்கள் பாரீர் என கடும் பெண் உரிமை குரல்கள் கேட்கும் காலமிது

தமிழகத்தில் ஒரு பெண் இந்திய வரலாற்றில் முதன் முறையாக பாதுகாப்பு துறை அமைச்சராகி இருக்கின்றார். அவர் உலகம் முழுக்க பெரும் பயணங்களை மேற்கொள்கின்றார்

சில மாதங்களுக்கு முன்பு ராணுவ உடை அணிந்து சுகோய் ரக விமானத்தில் அவர் பயணித்த விதம் வாழ்த்துகுரியது, ராணுவ வீரரில் ஒருவராக பறந்தார்

எஸ் 4000 ஏவுகனை தடுப்பு சாதனம் பற்றி அவர் விவாதித்த வகையில் ரஷ்யர்களின் பெரும் பாராட்டை பெற்றிருக்கின்றார்

இந்திய ராணுவம் குறித்தும், அதன் மேம்பாடு குறித்தும் அவர் செய்யும் பணியும், ஆற்றிவரும் பங்கும் மகத்தானவை

சீனாவிற்கு ஈடாக இந்திய ராணுவம் நவீன தொழில்நுட்பத்தை பயன்படுத்தும் என அவர் சமீபத்தில் சொன்னபொழுது உலகம் முழுக்க ஒரு அதிர்வலை ஏற்பட்டது.

அரசியல் சர்ச்சைகளை கடந்து அப்பணி வாழ்த்துகுரியது, ஆனால் யாராவது மூச்விடுவார்கள் என்றால் இல்லை, கடும் நிசப்தம்

முன்னேறினால் திராவிடபெண், மாற்றுகட்சி பெண்தான் முன்னேற வேண்டும், பிராமண தமிழச்சி என்றால் அது அவர்களுக்கு சரியே இல்லை…

ஏன் என்றால் இங்கு உருவாக்கபட்ட பிம்பம் அப்படி

பெண்கள் எல்லா சாதியிலும் மதத்திலும் அடக்கித்தான் வைக்கபட்டிருந்தார்கள், பிராமண சமூகத்தில் மட்டும் பெண்ணுரிமை கொட்டி கொடுக்கபடவில்லை,

உண்மையில் அங்குதான் கட்டுபாடுகள் அதிகம்

ஒரு மாற்று கட்சி பெண் பெரும் பதவி பெற்றால் தமிழகத்தில் பெரியார் சாதனை, திமுக சாதனை , திராவிட மண் என குதிப்பதும்…..

மகத்தான காரியங்களை ஆற்றினால் ஆமை போல தலையினை ஓட்டுக்குள் இழுத்துகொண்டு அவரை வேறுவகையில் பழிப்பதும் இங்குள்ள “பெண் விடுதலை”.

ஒரு தமிழக பெண் பாரதத்தின் பாதுகாப்புதுறை அமைச்சராக மிக சிறந்த முறையில் கடமையாற்றுகின்றார், உலக நாடுகளின் கவனத்தை பெற்றிருக்கின்றார்

ஒரு இந்தியனாக அதை வாழ்த்தவேண்டும், வாழ்த்துவோம்

இது பெரியார் மண் என்பது உண்மை என்றால் அப்பெண்மணியினை கண்டிப்பாக வாழ்த்தியே தீரவேண்டும்

(ஒரு தமிழச்சி பெரும் உயரம் தொட்டிருகின்றார், இங்குள்ள மகளிர் கல்லூரியோ இல்லை மகளிர் அமைப்புகளோ பெண் உரிமை போராளிகளோ காவலர்களோ அவரை ஒரு கூட்டத்திற்கு அழைப்பார்கள் என கருதுகின்றீர்கள்??

நிச்சயம் இல்லை, ஏன் என்றால் இதுதான் அரசியல்.)