மோடியை வம்பிற்கு இழுத்த கோலி

கிரிக்கெட் வீரர் கோலி கிரிக்கெட்டில் வம்பிழுப்பதை அடுத்து டிவிட்டரிலும் வம்பிழுத்திருக்கின்றார்

யாரிடம் என்றால் மோடியிடம், எப்படி?

நான் என் உடலை கட்டுபாட்டோடு வைத்திருக்கின்றேன், ஏன் என்றால் நமக்காக ஓடி உழைக்கும் மோடியுடன் பணியாற்ற அது அவசியம் என சொல்லிவிட்டு, இந்த தோனி ஹிர்திக் ரோஷன் போன்றோருக்கு என் போல் உடல்பயிற்சி செய்யமுடியுமா என சவால் விட்டிருகின்றார்

வழக்கமாக கேமரா தன்னை நோக்கி இருந்தாலே உற்சாகம் ஆகும் மோடி, டிவிட்டரில் தன் பெயரை கண்ட ஆர்வத்தில் நான் உங்கள் சவாலை ஏற்கின்றேன் என சொல்லிவிட்டார்

விஷயம் வேகமாக பரவுகின்றது

விரைவில் மோடி ஜிம்மில் இருந்து உடற்பயிற்சி செய்யும் வீடியோ வரலாம்

தமிழ்நாடு பற்றி எரிகின்றது, 13 தமிழர் சுட்டுகொல்லபட்டு நாடே கொந்தளித்த நிலையில் அதுபற்றி ஒருவார்த்தை இல்லை

பெட்ரோல் விலை கின்னஸ் சாதனை படைத்த நிலையிலும் ஒருவார்த்தை இல்லை

ஆனால் கோலிக்கு ஓடி சென்று உங்கள் சவாலை ஏற்கின்றேன் என சொல்கின்றார் பிரதமர்

இதே போல் சவாலை வெளிநாட்டு பிரதமர் என் நாட்டில் பெட்ரோல் விலை 20ரூபாய் உங்கள் நாட்டில் அப்படி முடியுமா? சவாலை ஏற்க தயாரா என்றால் மோடியினை காண முடியும்?

நாம் சவால் விடுவோம்

மிஸ்டர் மோடி நீர் தூத்துகுடிக்கு ஓடிவர தயாரா?, இதற்கு பதில் வருமா என்றால் வராது

இந்த கோலியின் சவாலை மோடி ஏற்றுவிட்டடதால் இனி மோடியின் வீடியோ வரும், பார்த்து தொலையலாம். அவர் யோகா செய்த கொடுமை எல்லாம் பார்த்தோம் அல்லவா அப்படி.

ஆனால் இந்த பக்தாஸ் எல்லாம் மோடியின் ஜிம் வீடியோ பார்த்துவிட்டு, படையப்பா கிளைமேக்ஸில் சட்டை இல்லாமல் நிற்கும் ரஜினியினை பார்த்து அப்பாஸ் சொல்வது போல “வாவ் வாட் எ மேன்” என சொல்லி வியப்பார்கள் அல்லவா? அதுதான் கொடுமை

அதனை நிச்சயம் பொறுமையாக பார்க்கமுடியாது