காங்கிரசும் வேண்டாம், பாஜகவும் வேண்டாம்

திராவிட உரிமை, இந்திய எதிர்ப்பு என்றெல்லாம் முஷ்டி தூக்குபவர்கள் தனிநாடு கேட்டால் என்ன என்றாலும் சத்தமிருக்காது.

அதாவது இந்தியாவோடு ஒட்டவும் மாட்டார்கள், தனிநாடு என கிளம்பவும் மாட்டார்கள்.

ஏதாவது ஒன்றை சொல்லி, அதனை அரசியலாக்கி டெல்லி சதி, ஆரிய சதி என சொல்லியே அரசியல் செய்யவேண்டியது.

பெரியார் மிக தைரியமாக திராவிட நாடே தீர்வு என்றார், இவர்களோ திராவிட் நாட்டு கோரிக்கையினை கைவிட்டுவிட்டுத்தான் அரசியலே தொடங்கினார்கள்.

ஆனால் குதித்துகொண்டே இருப்பார்கள்

இப்போது ஆளாளுக்கு தமிழகத்தில் திடீர் போராளிகள் உருவாவதை கண்டால் ஒன்று புரிகின்றது

எல்லோருக்கும் தலைவராக ஆசை, எல்லோருக்கும் தமிழ்தலைவர் என முடி சூட பகிரங்க ஆசை என்பது மட்டும் உண்மை

அந்த ஒரு கிரீடத்திற்குத்தான் இப்படி ஆளாளுக்கு பொங்குகின்றார்களே தவிர உண்மையான போராட்டம் இது அல்ல‌

ஒன்று இருக்கும் சில சிக்கல்களை சகித்துகொண்டு இந்தியாவோடு இருந்து விடுவது, அல்லது தனிநாடு கோருவது என்பதை தவிர வேறு தேர்வு இங்கு இருக்க முடியாது,

இரண்டையும் செய்யாமல் அழுகை அரசியல், ஆர்ப்பாட்ட அரசியல் எல்லாம் ஒரு முடிவினையும் கொடுக்காது.

இரண்டையும் செய்யமாட்டேன்,ஆனால் இருக்கும் பிரச்சினையில் எல்லாம் ஆட்டம்போட்டு மிக சரியாக மாநில முதல்வாராக குறிவைப்போம், மாநில அரசியலை நிர்ணயிக்க வியூகம் வகுப்போம் என்பதெல்லாம் சுத்த அயோக்கியதனம்

அந்த அயோக்கியதனம்தான் இங்கு நடந்து கொண்டிருக்கின்றது.

நடிகர் சூர்யாவிற்கு நீட் தேர்வு குறித்து என்ன தெரியும்? தமிழிசை சீற்றம்

ஏம்மா, டாக்டருக்கு அரசியல் பற்றி என்ன தெரியும் என யாராவது கேட்டால் என்ன செய்வதாக உத்தேசம்?