பாசிச பாஜக ஒழிக
நடந்திருப்பது ஒரு காமெடி காட்சி, அதாவது தூத்துகுடி விமான நிலையத்தில் ஒரு பெண் தமிழிசையினை பார்த்து கண்டன முழக்கம் இட்டிருக்கின்றார்
உண்மையில் தமிழிசையினை அறிந்தவர்களுக்கு அவரை நேரில் பார்த்தால் சிர்ப்புத்தான் வரும் அல்லது பரிதாப கண்ணீர் வரும் அதையும் தாண்டி ஒருவர் சீரியசாக கண்டித்திருக்கின்றார் என்றால் அந்த அம்மணியினை வித்தியாசமாக நோக்க வேண்டி உள்ளது
இதனை தமிழிசை கடந்து சென்றிருக்கலாம், வழக்கமாக அப்படி செல்பவர்தான் அவர், ஆனால் இந்த கண்டனம் மிக கடுமையாக இருந்ததோ என்னமோ உடனே புகார் ஆகிவிட்டது
என்ன செய்தால் பித்தம் தெளியும் என்ற நிலையில் இருக்கும் பலர் இதை கண்டிக்க வந்தாயிற்று அதில் முக ஸ்டாலினும் ஒருவர்
அகில இந்திய கட்சியான பாஜகவினை தமிழக கட்சியான திமுக அழித்துவிடும் என்ற பெரும் கனவில் இருப்பவர் ஸ்டாலின், அது கடல்நீரை கிணற்றில் அடைப்பேன் என்பதற்கு சமமான காமெடி என்றாலும் கட்சியின் உடன்பிறப்புக்கள் நம்புகின்றன
அந்த ஸ்டாலின் விடுவாரா? இதோ நானும் சொல்கின்றேன் “பாசிச பாஜக ஒழிக” என கிளம்பிவிட்டார்
எங்கே “அராஜக அதிமுக ஒழிக” என அன்னார் சொல்வாரா என்றால், “பாசிச பழனிச்சாமி அரசு ஒழிக” என சொல்வாரா என்றால் இல்லை
இங்கு முதலில் ஒழியவேண்டியது அராஜக அதிமுக அரசு அதை பற்றி எல்லம் ஸ்டாலின் பேசமாட்டார்
