சிதறல்கள்

1984ல் இந்திரா படுகொலை நிகழவில்லை என்றால் ராமசந்திரன் தோற்றிருக்கும் அளவு கலைஞரின் கூட்டணி விளையாட்டு இருந்தது

ஜெயா அக்கிரமம் உச்சத்தில் இருந்தபொழுது கூட்டணி அஸ்திரம் மூலமே திமுக வென்றது, தனிபட்ட வாக்குவங்கி அல்ல‌

2011ல் விஜயகாந்த் வரமறுக்க திமுக தோற்றது

ஆக திமுகவின் கடந்தகால வெற்றி எல்லாம் கூட்டணி தத்துவத்திலேதான் இருந்தது

நிச்சயமாக சூடத்தில் அடித்து சத்தியமாக சொல்லலாம் கலைஞர் இருந்திருந்தால் இப்பொழுது விஜயகாந்த், ராமதாஸ் உட்பட எல்லோரையும் அழைத்து ஒரே மேடை ஏற்றி அக்கிரம ஆட்சிக்கு எதிராக முழுங்கியிருப்பார்

(அப்படியே தேர்தலுக்கும் கொண்டு சென்று வென்று அதன்பின் அவர்களை கழற்றிவிடுவார் என்பது வேறுகதை)

முக ஸ்டாலின் இதில் சொதப்புகின்றார், எல்லோரும் தன்னை தேடிவரவேண்டும் என்ற ஒருவித மகோன்னத மன்னப்பான்மை அவருக்கு இருப்பது போல் தெரிகின்றது அதாவது ஜெயாவிற்கு இருந்த மனப்பான்மை

ஆனால் ஜெயா வேறுஸ்டாலின் வேறு

ஆனானபட்ட ராகுலே இறங்கி வரும்பொழுது ஸ்டாலின் இல்லாத கிரீடத்தை இருப்பதாக நினைத்து கொண்டிருப்பது சரி அல்ல‌

நிச்சயம் காங்கிரஸ் சுருங்குவது நாட்டுக்கு நல்லது அல்ல, பாஜகவிற்கு ஒரு எதிர்சக்தி வேண்டும்

அப்படியே திமுக பலவீனமாவதும் தமிழ்நாட்டுக்கு நல்லதல்ல, நிச்சயம் இங்கு வலுவான சக்தியாக திமுக வேண்டும்

ஸ்டாலின் இதை மனதிற்கொண்டு ராகுல் வழிக்கு திரும்பினால் திமுகவிற்கு நல்லது, தமிழகத்திற்கும் நல்லது

இந்த படத்தை கவனியுங்கள், இங்கு இருக்க வேண்டியவர் முக ஸ்டாலின், அவர் சொன்னது போல பாஜகவினை வீழ்த்த அவர் இங்குதான் இருந்தாக வேண்டும்

மற்றபடி வாய்ப்பே இல்லை

ஆனால் அவரோ குங்குமம் வைப்பதும் அழிப்பதுமாக விளையாடி திரிகின்றார், இதை சொன்னால் உபிக்கள் ஓவர்டைம் எல்லாம் எடுத்து திட்டுகின்றார்கள்

( ஆழமாக யோசித்தால் என்ன சொல்லமுடியும், இங்கு வராத ஸ்டாலின் என்ன செய்கின்றார்?

பழனிச்சாமிக்கும் மோடிக்கும் ரகசிய ஆதரவு கொடுக்கின்றார் என்றுதான் விஷயம் முடியும்..)

[ November 2, 2018 ]