சிதறல்கள்

கட்சி தொடங்கி தமிழகத்தை சுற்றிவருவார் என ரஜினியினை நம்பினால் அவர் மலேசிய எஸ்டேட்டை சுற்றினார், அப்படியே மும்பை சேரியினை சுற்றினார்

இப்பொழுது ஏதோ பேட்டையினை சுற்ற போகின்றாராம்

இடையில் அடிக்கடி இமயமலை வேறு

—————————————————————————————————————————————–

சீனாவின் இறக்குமதி பொருளுக்கு இன்னும் கூடுதல் வரியினை விதித்துவிட்டார் டிரம்ப், இதனால் சீன அமெரிக்க மோதல் இன்னும் வலுக்கின்றது

முதலில் சில பொருளுக்கு வரி என்ற டிரம்ப் , இப்பொழுது எல்லா சீன பொருளுக்கும் வரி என்கின்றார், சீன சுற்றுபயணிகளுக்கும் வரி இருக்கும் போல‌

பொதுவாக ஆசிய நாடு எதில் ஆதிக்கம் செலுத்தினாலும் மேற்குநாடுகளுக்கு பொறுக்காது, ஜப்பான் அப்படி செய்ததால் முன்பு அணுகுண்டு வீசி அடக்கினார்கள்

குட்கா ஊழல் விஸ்வரூபமாகின்றது, சில அமைச்சர்களே கைதாகலாம் என்ற அளவில் செல்கின்றது விஷயம்

ஜெயா வழியில் ஆட்சி என்றபொழுதே இவர்கள் இப்படித்தான் சிக்குவார்கள் என்பது எல்லோருக்கும் தெரிந்தது, இதில் ஆச்சரியபட ஒன்றுமில்லை

நெடுநாளைக்கு பின் கிரிக்கெட் பார்த்தால் ரவீந்திர ஜடஜே என்பவர் விளையாடி கொண்டிருந்தார்

அப்பொழுது பார்த்தது போல இப்பொழுதும் சொத்தையாகவே ஆடிகொண்டிருந்தார்

ஏனோ பழனிச்சாமி நியாபகம் வந்து போனது, அவரையும் யாரோ ஒரு மோடி காப்பாற்றி ஆடவைத்து ரசித்துகொண்டிருக்கின்றார்

பூலோகம் என்றொரு படம் ஓடிகொண்டிருக்கின்றது, எருமை கிடாவிற்கு கிளவுஸ் போட்டது போல ஒரு வெள்ளைக்காரன் ஜெயம் ரவியுடன் குத்துசண்டை போட்டு கொண்டிருக்கின்றான்

ஜெயம் ரவிக்கு முகம் துடைப்பது, தண்ணீர் கொடுப்பது போன்ற வேலைகளை அருகிருந்து செய்கின்றார் திரிஷா

ஒருவேளை ஜெயம் ரவி விழுந்துவிட்டால் திரிஷா வெள்ளைக்காரனை நானே தியாக தலைவி என களத்தில் இறங்கி குத்த வந்துவிட்டால் எப்படி இருக்கும்?