முருகப்பெருமான் ஆலயங்கள் : தோவாளை செக்கர்கிரி மற்றும் அமரர்பதிகாத்த நயினார் ஆலயம். பாரத தென்முனை எக்காலமும் தவம் செய்ய ஏதுவான இடம், இதனை அன்னை தேவி கன்னியாகுமரியில் வந்து அமர்ந்து சொன்னாள், இன்னும் பல அவதாரங்கள் அதை உறுதிப்படுத்தின. அந்தத் தென்முனை எப்போதும் சூட்சுமான சித்தர்களைக் கொண்டிருந்தது, அந்தச் சித்தர்களின் தலைவனாக கடவுளாக அந்த முருகப்பெருமான் வீற்றிருந்தார். அவர் இருந்ததாலே அகத்தியர், விசுவாமித்திரர், கௌதமர் என எல்லா ஞானியரும் தென் பக்கம் ஆசிரமம் அமைத்துத் தங்கியிருந்தார்கள், ஞானம் […]

முருகப்பெருமான் ஆலயங்கள் : தென்பழனி முருகன் மற்றும் வவ்வால் குகை முருகன் ஆலயம் ஆரல்வாய் மொழி. மேற்குத் தொடர்ச்சி மலையில் பொதிகை மலை மட்டும் அகத்திய தலைமையில் சித்தர்கள் குவிந்த இடம் அல்ல, அவர்கள் அந்த நீண்ட மலை முழுக்க பயணித்தார்கள், அபூர்வ மூலிகைகள் தேடி, பிரபஞ்சத்தின் நல்ல அதிர்வுகளைத் தரும் இடம் தேடி தேடி அலைந்தார்கள், தாங்கள் இருக்குமிடமெல்லாம் முருகப்பெருமனையும் வணங்கினார்கள். பின்னாளில் அவர்கள் சமாதியானாலும் அவர்கள் உருவாக்கிய முருகப்பெருமான் ஆலயங்கள் அந்த மலைமுழுக்க நிலைபெற்றன. […]

முருகப்பெருமான் ஆலயங்கள் : மேலக்கொடுமலூர் முருகப்பெருமான் ஆலயம். இராமநாதபுரம் மாவட்டம் பரமக்குடி அருகே அமைந்துள்ள ஆலயம் இந்த மேலக்கொடுமலூர் ஆலயம், முருகப்பெருமானின் மகா தொன்மையான ஆலயங்களில் இதுவும் ஒன்று, மிக மிக விசேஷமானதாக இங்கு அமைந்திருப்பது முருகப்பெருமானின் சுயம்பு வடிவம். ஆம், முருகப்பெருமான் இங்குச் சுயம்பு வடிவாக எழுந்தருளியிருக்கின்றார், அது எப்படிச் சுயம்பு உருவம் என உறுதிச் செய்யப்பட்டதென்றால் முன்பு திருப்பணிக்காக முருகப்பெருமானை வேறு இடத்துக்கு மாற்ற அந்தச் சிலையினைத் தோண்டியபோது அதன் ஆதாரம் கீழே சென்று […]

முருகப்பெருமான் ஆலயங்கள் : திருப்போரூர். செங்கல்பட்டு அருகே அமைந்துள்ளது அந்தத் திருப்போரூர். அங்கேதான் குடிகொண்டு அருள்பாலித்துக் கொண்டிருக்கின்றார் முருகப்பெருமான். பொதுவாக முருகப்பெருமான் ஆலயமெல்லாம் மலைமேல் காணப்படும், இவ்வாலயம் அதற்கு விதிவிலக்காக தரையில் அமைந்துள்ளது. இதன் இப்போதைய வரலாறு 400 முதல் 500 வருடங்கள் இருக்கலாம் என்றாலும் அதன் தொன்மை யுகங்களைத் தாண்டியது, அதாவது முருகப்பெருமான் அவதாரக் காலத்தில் இருந்து வருவது. ஆம், முருகப்பெருமான் அசுரரை வதம் செய்ய வந்தபோது தரை, கடல், வான் என மூன்று வழிகளிலும் […]

முருகப்பெருமான் ஆலயங்கள் : குமரகோட்டம் முருகப்பெருமான் ஆலயம், காஞ்சிபுரம். காஞ்சிபுரம் ஒரு புண்ணிய நகரம், காலம் காலமாக காசிபோல, மதுரை போல பெரும் புகழ்பெற்ற ஷேத்திரம். ஒரு காலத்தில் அங்கு ஆயிரம் இந்து தர்ம ஆலயங்கள் இருந்தது. பின்னாளில், சமண பௌத்த குழப்பம், இதர குழப்பங்களில் அவை காணாமல் போனாலும் வெகுசில தொன்மையான ஆலயங்கள் இன்றுவரை நிலைத்திருக்கின்றன, அதிலொன்று இந்தக் குமரகோட்டம். இந்த ஆலயத்தின் வரலாறு முருகப்பெருமான் பிரம்மனுக்குத் தண்டனை அளித்த கந்தபுராண நிகழ்வில் இருந்து தொடங்குகின்றது. […]

முருகப்பெருமான் ஆலயங்கள் : கந்தகோட்டம் ஆலயம், சென்னை. சுமார் 400 வருடங்களுக்கு முன்பிருந்து இந்த ஆலய வரலாறு தொடங்குகின்றது என்றாலும் அந்த மூலவர் சிலையின் வரலாற்றை அறிந்தவர்களில்லை. எப்போதோ யாராலோ அழிக்கப்பட்ட ஆலயத்தில் இருந்து பாதுகாக்கப்பட்ட முருகன் தன் அடியார் மூலம் பின்னர் மீண்டு வந்து இந்த ஆலயத்தில் அமர்ந்தார். அவ்வகையில் இந்த ஆலயம் 400 ஆண்டு வரலாற்றைக் கொண்டிருக்கலாம். ஆனால், மூலவர் சிலை மகா தொன்மையான காலத்தைச் சேர்ந்தது. இடையில் வந்த சமண பௌத்த காலமோ, […]

முருகப்பெருமான் தலங்கள் : வள்ளிமலை முருகப்பெருமான் ஆலயம். வேலூர் மாவட்டம் காட்பாடி அருகே சிறிய மலையில் அமைந்திருக்கின்றது இந்த வள்ளிமலை தலம். இங்குதான் முருகப்பெருமான் வள்ளியினை சந்தித்தார் என்பதால், திருத்தணியில் வள்ளியுடன் திருமணம் நடந்தாலும் அந்தத் திருமணத்துக்கான எல்லாக் காட்சியும் இங்குதான் நடந்தது என்பதற்கான சுவடுகளும் ஆதாரமும் நிரம்ப இருப்பதால் இந்தத் தலம் முருகப்பெருமானின் தலங்களில் மிக முக்கியமான ஒன்றாகின்றது. தன் பூர்வ ஜென்மத்தின் வாசனையால் முருகனை மணக்க வள்ளி திருமால் பாதத்தை வழிபட்ட இடம் இதுதான். […]

முருகப்பெருமான் ஆலயங்கள் : வல்லக்கோட்டை முருகன் ஆலயம். காஞ்சிபுரம் மாவட்டம், ஸ்ரீபெரும்புதூர் தாலுகாவில் வல்லக்கோட்டை எனும் ஊரில் அமைந்துள்ள ஆலயம் இது. இதன் தொன்மை முருகப்பெருமான் காலத்தோடு தொடர்புடையது. முருகப்பெருமான் காலத்தில் சூரபத்மன் மட்டுமல்ல, ஏகப்பட்ட அசுரர்கள் தொல்லை கொடுத்து ஆடினார்கள். அப்படியான அசுரர்களில் வல்லன் என்பவனும் ஒருவன், அவனை முருகப்பெருமான் வதம் செய்த இடம் இது, அவன் பெயரிலே வல்லன் கோட்டை என்றாகி பின் வல்லக்கோட்டை என நிலைத்துவிட்டது. இந்தத் தலம் தேவர்களின் அரசன் இந்திரனால் […]

முருகப்பெருமான் ஆலயங்கள் : இரத்னகிரி முருகப்பெருமான் ஆலயம். வேலூர் மாவட்டம் இராணிபேட்டை அருகே அமைந்திருக்கின்றது இந்த ஆலயம். குன்று ஒன்றின் மேல் அழகுற எழுந்தருளியிருக்கும் இந்த ஆலயம் புராண காலத்துடன் தொடர்புடையது. அசுரனால் விரட்டப்பட்ட இந்திரன் இம்மலையில் ஒளிந்திருந்தான், அவனைக் காக்க வந்த முருகப்பெருமான் இந்திரனையே மயிலாகக் கொண்டு அசுரனை ஒழித்து அவனுக்கு மீண்டும் தேவலோகப் பதவியினை வழங்கினார். அதிலிருந்து இங்கு முருகப்பெருமான் ஆலயம் ஸ்தாபனமானது. இங்கு மலைப்பிளவில் தானே உருவான சுயம்பு விநாயகர் இன்னும் விசேஷம். […]

முருகப்பெருமான் ஆலயங்கள் : வயலூர் முருகப்பெருமான் ஆலயம். தமிழக முருகப்பெருமான் ஆலயங்களில் மிக முக்கியமானது திருச்சிராப்பள்ளி அருகே அமைந்திருக்கும் வயலூர் முருகப்பெருமான் ஆலயம், இது மிக மிகத் தனித்துவமானது. இதன் வரலாறு உறையூரைத் தலைநகராகக் கொண்டு சோழமன்னர்கள் ஆட்சி செய்த காலத்தில் தொடங்குகின்றது. அப்போது அப்பக்கம் வயல்வெளிக்குச் சென்ற சோழமன்னன் தாகம் தீர்த்துக் கொள்ளும் பொருட்டு கரும்பைக் கடிப்பதற்காக வெட்டியபோது அதிலிருந்து இரத்தம் கொப்பளித்தது. அஞ்சிய மன்னன் அங்கே நின்று பெரும் தவறு நடந்ததற்காய் வருந்தினான். பின் […]